كانت غلطة من البداية
لما افتكرتك ليا للنهاية
وجيت على نفسى كتير عشانك
وقولت محدش هيأخد مكانك
وفضلت متمسكة بيك
وأنت معرفش أيه فيك
وأصبر وأحاول من تانى
بس بكل مرة بتثبتلى أنك مش عشانى
وأن اللى كان بينا أوهام
مش ممكن يكون أبدا غرام
يمكن أكون جرحت فيك
بس والله من حبى ليك
يمكن تكون مش قادر تفهمنى
بس قلبك مش حاسس ليه
ايه قساه على اللى كان بيوم ليه
بقى دى فكرتك عنى
ولا دا كلام من ورا قلبك
ولا انت غاوى تظلمنى
وقاصد تجرحنى معاك؟
عاوز تجرحنى ومش احاول اثور
ولا اخد منك حقى المهدور
ولا عاوزنى أعمل ايه
لما الاقى غدرك ليا
وتقلب مزاجك عليا
خلاص هنساك يا كل اللى ليا
بس أرجوك كفاية قسوة عليا
وافتكرلى أى حاجة حلوة كانت ليا
